14.12.2024 | 16:44
Անդրանիկ Հովհաննիսյանն իր հավատարմագրերն է հանձնել Վիեննայում ՄԱԿ-ի գրասենյակի գլխավոր տնօրենին
Նիկոլ Փաշինյանը ցավակցական ուղերձ է հղել Յուրի Ջավադյանի մահվան կապակցությամբ
20.05.2022 | 19:56
Նիկոլ Փաշինյանը ցավակցական ուղերձ է հղել Յուրի Ջավադյանի մահվան կապակցությամբ․ տեղեկացնում է վարչապետի աշխատակազմի մամուլի ծառայությունը։
«Խոր վշտով տեղեկացա Գերագույն խորհրդի 3 գումարման պատգամավոր, 1991-1992 թթ. գյուղնախարար, պետական կառավարման համակարգում երկարամյա գործունեություն ծավալած Յուրի Ջավադյանի մահվան մասին:
Անգնահատելի է նրա ներդրումը մեր երկրում գյուղատնտեսության ոլորտի կայացման ու ջրային ռեսուրսների կառավարման գործում: Նա երկար տարիներ իր փորձն ու գիտելիքները կիսել է երիտասարդ մասնագետների հետ՝ այդպիսով նպաստելով վերը նշված բնագավառներում անհրաժեշտ կադրերի համալրմանը: Նրա ուշադրության կենտրոնում էր նաև Սևանա լիճը, որի հիմնախնդիրների լուծման գործում ևս ունեցել է զգալի ավանդ:
Խորին ցավակցություն եմ հայտնում Յուրի Ջավադյանի ընտանիքին, հարազատներին, գործընկերներին և կիսում նրանց վիշտը»,- ասվում է ուղերձում։
