20.08.2026 | 16:06
Ազատ ոճի հայ ըմբիշներն անհաջող մեկնարկեցին Մ-20 ԱԱ-ում
Չինաստանը լայնածավալ զորավարժություններ է սկսել Հարավչինական ծովում
Քաղաքականություն
20.05.2022 | 21:03
Այսօր Չինաստանը լայնածավալ զորավարժություններ է սկսել Հարավչինական ծովում։ Դրանց մեկնարկը համընկել է ԱՄՆ նախագահ Ջո Բայդենի՝ Ասիա կատարած աշխատանքային այցի հետ, գրում է Associated Press-ը։
Հաղորդվում է, որ զորավարժությունները կտևեն մինչև մայիսի 23-ը։ Այդ ընթացքում բոլոր ոչ ռազմական նավերի մուտքը զորավարժությունների գոտի արգելվում է։
«Չինաստանը գրեթե ամբողջությամբ հավակնում է Հարավչինական ծովին, և այս կարևոր ջրային ճանապարհը դարձել է Ասիայում հակամարտությունների պոտենցիալ օջախ»,- ասվում է հրապարակման մեջ:
Հաղորդվում է նաև, որ ԱՄՆ-ը որևէ դիրքորոշում չունի ինքնիշխանության հետ կապված, սակայն պնդում է ծովում ազատ գործելու իրավունքի հարցում և հաճախ ռազմանավեր է տեղակայում Չինաստանի կողմից վերահսկվող ռազմականացված կղզիների մոտ, այսպես կոչված, նավարկության ազատության գոտիներում:
«Չինաստանը պարբերաբար բողոքում է նման առաքելությունների դեմ՝ դրանք անվանելով կանխամտածված սադրանքներ, որոնք սպառնում են խաղաղությանը և կայունությանը: Իր իրավունքները պաշտպանելու համար նա կառուցել է թռիչքուղիների և այլ ռազմական ենթակառուցվածքներ կորալային խութերի վրա կառուցված արհեստական կղզիներում»,- հաղորդում է Associated Press-ը:
Տաթև Ֆռանգյան
