08.06.2026 | 14:30
Ուկրաինայի Գերագույն ռադայի նախագահը շնորհավորել է Ալեն Սիմոնյանին ընտրություններում տարած հաղթանակի առիթով
Անհետ կորածների ու գերիների ընտանիքները սպասում են արդարադատության․ Քրիստիննե Գրիգորյան․ ՏԵՍԱՆՅՈՒԹ
Հասարակություն
20.05.2022 | 16:25
«Ժողովրդավարությունն ընտրություն է: 44-օրյա պատերազմից հետո հանրային լայն շրջանակներ քննարկում էին և կասկածի տակ քին դնում այն հարցը , թե ժողովրդավարության օգտին մեր երկրի կատարած ընտրությունն արդյո՞ք ճիշտ ընտրություն էր»,- «Ժողովրդավարության հայկական ֆորում»-ի ժամանակ այս մասին նշեց ՀՀ ՄԻՊ Քրիստինե Գրիգորյանը:
«Մարդիկ ասում էին՝ արդյո՞ք ժողովրդավարությունը, մարդու իրավունքների պահպանմամբ քաղաքականությունը մեզ անհավասար վիճակի մեջ չդրեցին պատերազմի ընթացքում և դրանից հետո մեր ավտորիտար հարևանների հետ հարաբերությունններում: Հաճախ ժողովրդավարությունը համեմատում էի ծանր բեռի հետ, որը խանգարում է արագ վազել կյանքի ու մահվան մարաթոնում»,- նշեց ՄԻՊ-ը՝ հավելելով, որ ժողովրդավարությունը, սակայն, լավ այլընտրանք չունի:
Նրա դիտարկմամբ՝ պատերազմից հետո հանրային տրավման չի հաղթահարվել:
«Անհետ կորածների ու ապօրինի կերպով Ադրբեջանում պահվող գերիների ընտանիքները սպասում են արդարադատության: Վերադարձած ռազմագերիների ու նրանց ընտանքիների ստացած վերքերը ևս երկար ժամանակ բուժման կարիք ունեն: Պատերազմում զոհված մեր հայրենակիցների ընտանիքները մինչև հիմա էլ սգում են ու փնտրում մխիթարություն: Տեղահանված մարդիկ փորձում են ինտեգրվել, նրանցից շատերը հույս են փայփայում վերադառնալ իրենց տները: Բոլոր այս մարդկանց տրավման հաղթահարված չէ»,- նշեց ՄԻՊ-ը:
Մանրամասները՝ տեսանյութում:
