29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Ուժի կիրառման վերաբերյալ քննություն պետք է լինի, բայց ցուցարարներն էլ իրենց պարտականություններն ունեն․ Լին Թրեյսի․ ՏԵՍԱՆՅՈՒԹ
Քաղաքականություն
20.05.2022 | 14:37
«Անկախ և բարեվարք դատական համակարգ ունենալը շատ կարևոր Հայաստանի հետագա առաջընթացի համար»,- այս մասին մայիսի 20-ին «Հայկական ժողովրդավարություն» ֆորումի ժամանակ հայտարարեց Հայաստանում ԱՄՆ արտակարգ եւ լիազոր դեսպան Լին Թրեյսին։
Դեսպանը կարևորեց նաև ոստիկանության բարեփոխումները:
«Բողոքի ակցիաների, ցույցի հետ կապված մտահոգություն կա, մենք տեսել ենք հաղորդումները, տեսել ենք ուժի կիրառման տեսանյութերը։ Պետք է հետաքննություն անցկացվի, այս հարցերում պետք է հաշվետվողականություն լինի։ Այդպիսի մոտեցում Հայաստանի կառավարության կողմից կա։ Խնդիր է դրված հարգել ցուցարարների խաղաղ հավաքների, ակցիաներ անցկացնելու իրավունքը, նաև լրագրողների կողմից անխաթար լուսաբանման իրավունքը»,- նշեց Թրեյսին։
Դեսպանն ընդգծեց, որ ցուցարարները ևս ունեն իրենց պարտականությունները, որպեսզի խաղաղ ակցիաներն այնպես անցկացնեն, որ քաոսային կամ անկայուն իրավիճակ չառաջանա և չխախտվեն այլոց իրավունքները։
Դեսպանը հավելեց, որ ժողովրդավարությունը գործընթաց է առաջընթաց ապահովելու համար: «Մարդիկ ինձ գրում են ոստիկանության բարեփոխումների մասին, և հարցնում են սա՞ է ձեր ժողովրդավարությունը: Ոչ, ժողովրդավարությունը իրերի կատարյալ վիճակ չէ, ժողովրդավարությունը շարունակական ընթացքի մեջ գտնվող գործընթաց է հաշվետվողականություն ապահովելու, մարդկանց իրավունքները պաշտպանելու, սակայն դա միայն մի կտոր չէ: Ոստիկանության պարագայում կարևոր է նրանց աշխատանքի հաշվետվողականությունը»,- նշեց նա:
Լին Թրեյսին ընդգծեց, որ Միացյալ Նահանգներում ևս մշտապես խնդիրներ են լինում ոստիկանների վարքագծի հետ կապված. «Դա մի ուղղություն է, որտեղ ԱՄՆ-ը ձգտում է բարեփոխումներ իրականացնել, այսինքն՝ սա իրավիճակ չէ, որը բնորոշ է միայն Հայաստանին: Կարևորն այն է, որ այդ հարցերում լինի հաշվետվողականություն»,- ասաց դեսպանը:
Մանրամասները՝ տեսանյութում:
