07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Եվրոպայի պահուստարաններում գազի պաշարները գերազանցել են 40%-ը
Քաղաքականություն
20.05.2022 | 14:09
Եվրոպայում ստորգետնյա պահեստարաններում բնական գազի պաշարները շարունակում են աճել և արդեն գերազանցել են 40%-ը։ Այս մասին գրում է «Ինտերֆաքսը»՝ վկայակոչելով Gas Infrastructure Europe ասոցիացիայի տվյալները։
Այս պահին պահուստները կազմում են 41,23%, վերջին օրվա համեմատ՝ աճը 0,34% է։ Եվրոպայում բնական գազի պաշարների ներկայիս մակարդակը հինգ տարվա միջինից հետ է 3,4%-ով, ասվում է զեկույցում:
Նշվում է, որ ապրիլին գազի մղումը զսպվել է ներկրվող գազի բարձր գներով, սակայն մայիսի սկզբին հնարավոր եղավ ավելացնել դրա տեմպերը։ Մայիսի առաջին 17 օրերի ընթացքում ստորգետնյա պահեստարաններում գազի մատակարարման մակարդակը 43%-ով բարձր է եղել վերջին հինգ տարիների միջինից (ապրիլին ավելցուկը կազմել է ընդամենը 12%)։
Տաթև Ֆռանգյան
