Մենք օժանդակում ենք ՀՀ-ի և Ադրբեջանի միջև հարաբերությունների հաստատմանը. Լիտվայի նախագահ․ ՏԵՍԱՆՅՈՒԹ

«Լիտվան օժանդակում է Հայաստանի ինտեգրմանը եվրոպական ընտանիքին»,- այս մասին այսօր ՀՀ նախագահ Վահագն Խաչատուրովի հետ համատեղ ասուլիսում հայտարարեց Հայաստանում առաջին անգամ պաշտոնական այցով գտնվող Լիտվայի Հանրապետության նախագահ Գիտանաս Նաուսեդան։

«Մենք լայն շրջանակ ենք ներկայացնում ԵՄ-Հայաստան հարաբերություններում։ Ողջունում եմ ՀՀ կառավարության ջանքերը՝ հատկապես արդարադատության համակարգում։ Մենք ցանկանում ենք, որպեսզի դուք շարունակեք ժողովրդավարության այս ճանապարհը, որը կհանգեցնի սոցիալ-տնտեսական զարգացման»,- նշեց Լիտվայի նախագահը։

Գիտանաս Նաուսեդան նաև ընդգծեց, որ Լիտվան օժանդակում է նաև հայ-ադրբեջանական համաձայնության ձեռքբերմանը և հավելեց, որ Եվրոպական խորհրդի նախագահ Շառլ Միշելի ջանքերը ևս ուղղված են այդ օժանդակությանը:

Նա նշեց, որ առավոտյան հնարավորություն է ունեցել ծաղիկներ դնել Հայոց ցեղասպանության զոհերի հուշահամալիրին: «Սա մի բան է, որը երբևիցե ոչ մի ձևով այս երկրագնդի վրա չպետք է կրկնվի»,- նշեց Նաուսեդան:

Լիտվայի նախագահը վստահություն հայտնեց, որ իր այցելությունը կօժանդակի Հայաստանի և Լիտվայի, երկու երկրների ժողովուրդների միջև հարաբերությունների խորացմանը: Նա այս առումով մեծ ներուժ է տեսնում: Նաուսեդան հավատում է, որ երկկողմ հարաբերությունների տարբեր ոլորտներում՝ բիզնեսի, մշակույթի, կրթության և բազմաթիվ այլ ոլորտներում կարելի է երկու կողմից էլ օգուտ ստանալ:

Մանրամասները՝ տեսանյութում։