29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Վարշավայի ֆոնդային բորսան պատրաստվում է գնել Հայաստանի բորսան 1.9 միլիոն դոլարով
Տնտեսություն
20.05.2022 | 12:36
Վարշավայի ֆոնդային բորսան ստացել է իր դիտորդական խորհրդի հավանությունը՝ գնելու Հայաստանի արժեթղթերի բորսայի 65% բաժնետոմսերը։ Bloomberg-ի փոխանցմամբ՝ այս մասին են վկայում լեհական ընկերության կարգավորող փաստաթղթերը։
Գործարքի արժեքը 8.4 միլիոն լեհական զլոտի է, որը համարժեք է ավելի քան 1.9 միլիոն ԱՄՆ դոլարի։
Վարշավայի բորսան Հայաստանի արժեթղթերի բորսան գնելու հետաքրքրություն էր ցուցաբերել դեռևս 2020 թվականի սեպտեմբերին։ Այն ժամանակ Հայաստանի Կենտրոնական բանկի հետ ստորագրված արձանագրության համաձայն՝ ԿԲ-ն պահպանելու է բաժնետոմսերի 25%-ը, իսկ մնացած 10%-ի համար Վարշավայի բորսան գնորդներ է առաջարկելու։
2001 թվականին հիմնադրված Հայաստանի ֆոնդային բորսան երկրում գործող միակ ֆոնդային բորսան է, որն առաջարկում է բորսայական ծառայությունների ամբողջական փաթեթ՝ ցուցակման, առևտրի, քլիրինգային և տեղեկատվական ծառայություններ, այլընտրանքային բորսայական լուծումներ։ Ընկերությունը նաև ղեկավարում է Հայաստանի Կենտրոնական դեպոզիտարիան։
