19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
ԱՄՆ-ն ակնկալում է, որ Շվեդիայի և Ֆինլանդիայի՝ ՆԱՏՕ-ին անդամակցելու հարցում Թուրքիայի հետ տարաձայնությունները կլուծվեն
Քաղաքականություն
19.05.2022 | 18:33
ԱՄՆ-ն վստահ է, որ Շվեդիան և Ֆինլանդիան անդամակցելու են ՆԱՏՕ-ին, և Թուրքիայի մտահոգություններն էլ կլուծվեն։ Այս մասին հայտարարել է ԱՄՆ նախագահի ազգային անվտանգության հարցերով խորհրդական Ջեյք Սալիվանը Սպիտակ տանը լրագրողների հետ ճեպազրույցում։
«Մենք վստահ ենք, որ Ֆինլանդիան և Շվեդիան արդյունավետ ու գործուն անդամակցության գործընթաց կանցնեն, և որ Թուրքիայի մտահոգությունները կարող են լուծվել։ Շվեդիան և Ֆինլանդիան աշխատում են ուղիղ Թուրքիայի հետ այդ հարցով, բայց մենք ևս շփվում ենք թուրքերի հետ՝ փորձելով օգնել գործընթացին»,- ասել է Սալիվանը։
Նա նշել է, որ խոսել է իր թուրք գործընկերոջ հետ։ Բացի այդ, նախօրեին Նյու Յորքում ԱՄՆ պետքարտուղար Էնթոնի Բլինքենը հանդիպել է Թուրքիայի ԱԳ նախարար Մևլութ Չավուշօղլուին։
Հիշեցնենք, որ Թուրքիան դեմ է Շվեդիայի և Ֆինլանդիայի՝ ՆԱՏՕ-ին անդամակցությանը։ Անկարան այս երկու երկրներին մեղադրում է քուրդ զինյալներին, ահաբեկիչներին աջակցելու մեջ և մի շարք պայմաններ է առաջ քաշում ՆԱՏՕ-ին Ստոկհոլմի և Հելսինկիի միանալուն համաձայնություն տալու դիմաց։
Էմմա Չոբանյան
