Քաղաքականություն
19.05.2022 | 11:58Ազգային ժողովի արտահերթ նիստում քննարկվում է«Ապօրինի ծագում ունեցող գույքի բռնագանձման մասին օրենքում փոփոխություններ և լրացումներ կատարելու մասին» օրենքի նախագիծը։
Գլխավոր դատախազի տեղակալ Սրբուհի Գալյանը ներկայացրեց առաջարկվող փոփոխությունները։
Գլխավոր դատախազի տեղակալն անդրադառնալով «Քաղաքացիական պայմանագիր» խմբակցության պատգամավոր Վահագն Ալեքսանյանի հարցին, թե քանի ընդդիմադիր պատգամավոր է անցնում ապօրինի գույքի բռնագանձման վարույթով, նշեց, որ հստակ թիվը չի հիշում, բայց դատախազության համար էական նշանակություն չունի՝ գործով անցնողն ընդդիմադիր է, թե իշխանամետ կամ քաղաքական ինչ հայացքներ ունի. «Մենք վարում ենք իրավական գործընթաց և իրացնում ենք մեր լիազորությունները»:
Ալեքսանյանի հարցին ի պատասխան, թե այս օրենքի շրջանակներում բացված բոլոր գործերով միասին մոտավորապես որքան դրամական միջոցների մասին է խոսքը, որը պետք է վերադարձվի ՀՀ բյուջե, Գալյանը նշեց. «Մենք ունենք ընթացիկ 300 ուսումնասիրություն, 20 ուսումնասիրություն ավարտվել է: Ունենք 9 հայցադիմում, որոնցից 8-ն արդեն վարույթ է ընդունվել…Ներկայացված 9 հայցադիմումների մասով խոսքը շուրջ 43 մլրդ դրամի մասին է»:
Մանրամասները՝ տեսանյութում։
