17.01.2026 | 13:45
UFC-ի չեմպիոն Իլյա Տոպուրիան հայտնել է՝ երբ է վերադառնալու օկտագոն
ԱՄՆ-ը և Թուրքիան հավատարիմ են սերտ համագործակցությանը՝ աշխարհաքաղաքական մարտահրավերներին դիմակայելու համար
Քաղաքականություն
19.05.2022 | 16:21
ԱՄՆ պետքարտուղար Էնթոնի Բլինքենը նախօրեին հանդիպել է Թուրքիայի ԱԳ նախարար Մևլութ Չավուշօղլուին։ Հանդիպման արդյունքներով ԱՄՆ-ի և Թուրքիայի կառավարությունները համատեղ հայտարարությամբ են հանդես եկել, տեղեկանում ենք ԱՄՆ Պետքարտուղարության կայքից։
Նշվում է, որ Բլինքենը և Չավուշօղլուն մայիսի 18-ին Նյու Յորքում հանդիպել են ԱՄՆ-Թուրքիա ռազմավարական մեխանիզմի շրջանակում՝ վերահաստատելու իրենց ամուր համագործակցությունը՝ որպես գործընկերներ և ՆԱՏՕ-ի դաշնակիցներ։
«ԱՄՆ-ը և Թուրքիան հավատարիմ են սերտ համագործակցությանը՝ դիմակայելու ներկա աշխարհաքաղաքական մարտահրավերներին։ Պետքարտուղար Բլինքենն ու ԱԳ նախարար Չավուշօղլուն մտադիր են խորացնել երկկողմ համագործակցությունը կառուցողական և բաց երկխոսության միջոցով, ինչպես նախատեսված է ԱՄՆ-ի և Թուրքիայի ռազմավարական մեխանիզմով։ Նրանք քննարկել են ուղիները և կոնկրետ քայլերը՝ ընդլայնելու իրենց համագործակցությունը պաշտպանության, ահաբեկչության դեմ պայքարի, էներգետիկայի և պարենային անվտանգության, կլիմայի փոփոխության դեմ պայքարի և առևտրային կապերի խթանման ուղղությամբ՝ համաձայնելով ինտենսիվացնել խորհրդակցությունները տարածաշրջանային մի շարք հարցերի շուրջ»,- ասվում է հայտարարության մեջ։
Նշվում է, որ նրանք նաև վերահաստատել են իրենց աջակցությունն Ուկրաինայի ինքնիշխանությանը և տարածքային ամբողջականությանը Ռուսաստանի անընդունելի պատերազմի դեմ։ ԱՄՆ-ը և Թուրքիան իրենց աջակցությունն են հայտնել պատերազմին վերջ դնելու ուղիների որոնման հարցում։
Էմմա Չոբանյան
