16.09.2026 | 20:43
Իհարկե պատրաստվում եմ առաջիկա ընտրություններին. Տիգրան Ավինյան. ՏԵՍԱՆՅՈՒԹ
Ռուսաստանը պատժամիջոցների տակ գտնվող անձանց թվով գրեթե երկու անգամ առաջ է անցել Իրանից
Քաղաքականություն
18.05.2022 | 21:13
Մայիսի կեսերին Ռուսաստանը 1,8 անգամ առաջ է անցել Իրանից՝ արևմտյան երկրների և նրանց դաշնակիցների պատժամիջոցների ցուցակներում ընդգրկված անձանց թվով, գրում է DW-ի ռուսական ծառայությունը։
ԱՄՆ-ի, ԵՄ-ի, Մեծ Բրիտանիայի և նրանց հիմնական դաշնակիցների պատժամիջոցների ցուցակներում ռուսաստանցիների մասնաբաժինը հասել է 17%-ի՝ համաձայն X-Compliance համակարգի վիճակագրության։
«Օտարերկրյա պետությունների պատժամիջոցային ցուցակներում ռուսական ընկերությունների և քաղաքացիների, օդանավերի ու նավերի թիվը փետրվարի կեսերից մինչև մայիսի 13-ն աճել է 2,3 անգամ՝ 1134-ից հասնելով 2588-ի: Այդ թվում՝ ավելի քան 2000 ռուսաստանցի գտնվում է, այսպես կոչված, ամենախիստ պատժամիջոցների՝ արգելափակումների տակ»,- ասել է Գերասիմովը։
Համաձայն «50% կանոնի», որը կիրառվում է OFAC-ի (ԱՄՆ), ԵՄ-ի և Մեծ Բրիտանիայի պատժամիջոցային ցուցակների շրջանակում, պատժամիջոցները կիրառվում են նաև այն ընկերությունների նկատմամբ, որոնք ուղղակիորեն նշված չեն պատժամիջոցների ցանկում, սակայն որոնց 50 տոկոսը պատկանում է դրանց տակ գտնվող անձանց։ Փետրվարի 21-ի դրությամբ՝ այս կանոնի երկարաձգման վտանգի տակ է հայտնվել 2347 ռուսական ընկերություն, մայիսի 13-ին՝ 3278:
Տաթև Ֆռանգյան
