09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Բորիս Ջոնսոնը հույս ունի, որ Ֆինլանդիան և Շվեդիան շուտով կկարողանան անդամակցել ՆԱՏՕ-ին
Քաղաքականություն
18.05.2022 | 17:12
Մեծ Բրիտանիայի վարչապետ Բորիս Ջոնսոնը հույս ունի, որ Ֆինլանդիան և Շվեդիան շուտով կկարողանան անդամակցել ՆԱՏՕ-ին։ Այս մասին նա գրել է Twitter-ի իր միկրոբլոգում։
«Սա պատմական օր է մեր դաշինքի և աշխարհի համար»,- գրել է Ջոնսոնը՝ նշելով, որ «մինչև վերջերս ոչ ոք չէր կարող կանխատեսել նման քայլ»։
Մեծ Բրիտանիայի վարչապետի խոսքով՝ իրադարձությունների նման զարգացումը հնարավոր է դարձել Ուկրաինայում Ռուսաստանի գործողությունների շնորհիվ, որոնք «փոխակերպեցին մայրցամաքի աշխարհաքաղաքական ուրվագծերը»։
«Անհամբերությամբ սպասում եմ ՆԱՏՕ-ի ընտանիքում Ֆինլանդիային և Շվեդիային շուտով ողջունելուն»,- գրել է Ջոնսոնը։
Հիշեցնենք՝ ՆԱՏՕ-ում Ֆինլանդիայի և Շվեդիայի դեսպաններն այսօր պաշտոնապես գլխավոր քարտուղար Յենս Ստոլտենբերգին են հանձնել դաշինքին իրենց պետությունների անդամակցության դիմումները։ ՆԱՏՕ-ի աղբյուրներն ավելի վաղ հայտնել էին, որ դիմումին անմիջապես կհաջորդի դաշինքի դեսպանների հանդիպումը, որոնք, ամենայն հավանականությամբ, կորոշեն անդամակցության բանակցային գործընթացի մեկնարկը։ Սակայն Թուրքիայի դիրքորոշման պատճառով առայժմ նման անհապաղ որոշում չի սպասվում, այն կարող է ընդունվել հաջորդ շաբաթվա սկզբին։
Տաթև Ֆռանգյան
