22.04.2026 | 23:30
ՀՀ տարածքում ավտոճանապարհները հիմնականում անցանելի են
Կանադան արգելում է Պուտինի, Լավրովի և Շոյգուի մուտքը երկիր․ պատժամիջոցներն ընդլայնվել են
Քաղաքականություն
18.05.2022 | 15:50
Կանադան որոշել է ընդլայնել սահմանափակումները Ռուսաստանի, Բելառուսի և Ուկրաինայի քաղաքացիների համար, որոնք կանադական պատժամիջոցների տակ են ուկրաինական պատերազմի պատճառով, գրում է VOA-ն։
Նրանց թվում են ՌԴ նախագահ Վլադիմիր Պուտինը, ԱԳ նախարար Սերգեյ Լավրովը և պաշտպանության նախարար Սերգեյ Շոյգուն։ Համապատասխան օրինագծի ընդունումից հետո նրանք և նրանց ընտանիքի անդամները չեն կարողանա մուտք գործել Կանադա, հայտարարել է Կանադայի հանրային անվտանգության նախարար Մարկո Մենդիչինոն։
Կանադայի սահմանային ծառայությունների գործակալությունը պարզաբանել է, որ կառավարությունը որոշել է փոփոխություններ կատարել ներգաղթի մասին օրենքում։ Փոփոխությունների համաձայն՝ պատժամիջոցների ցուցակում հայտնված անձինք և նրանց ընտանիքի անդամները չեն կարողանա այցելել Կանադա, ստանալ կանադական վիզա և կարող են վտարվել երկրից։
Կանադայի պատժամիջոցների ցուցակում հայտնվել է գրեթե հազար մարդ, որոնց մեծ մասը Ռուսաստանի քաղաքացիներ են։
Նախկինում Պուտինին և Ռուսաստանի այլ բարձրաստիճան պաշտոնյաներին արգելվել էր մուտք գործել Ավստրալիա և Նոր Զելանդիա։
Տաթև Ֆռանգյան
