14.05.2026 | 21:30
Ահազանգեր՝ բոլոր կողմերից․ ինչ խախտումներ են եղել քարոզարշավի առաջին շաբաթում. ՏԵՍԱՆՅՈՒԹ
ՏԿԵ նախարարն այցելել է Թեհրան-Շոմալ նոր ավտոմայրուղի. Սանոսյանին է ներկայացվել նման բարդության ճանապարհների և թունելների կառուցման իրանական փորձը
Տնտեսություն
18.05.2022 | 14:48
Իրանի Իսլամական Հանրապետություն կատարած աշխատանքային այցի շրջանակներում ՀՀ տարածքային կառավարման և ենթակառուցվածքների նախարար Գնել Սանոսյանն ու «Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանը ԻԻՀ Ճանապարհների և քաղաքաշինության նախարարի տեղակալ Խեյրոլլահ Խադեմիի ուղեկցությամբ այցելել են Թեհրանից դեպի Կասպից ծով ձգվող Թեհրան-Շոմալ նոր ավտոմայրուղի, որտեղ այս պահին շինարարական աշխատանքներ են ընթանում․ տեղեկացնում են ՏԿԵ նախարարությունից։
«Այն ամբողջությամբ նոր մայրուղի է՝ բաղկացած բազմաթիվ կամուրջներից և թունելներից։
Նախարարին են ներկայացվել իրականացված և նախատեսվող աշխատանքները, նման բարդության ճանապարհների, կամուրջների և թունելների կառուցման իրենց փորձը և ոլորտում իրանական ընկերությունների գրանցած հաջողությունները»,- ասված է հաղորդագրությունում։
