20.08.2026 | 16:06
Ազատ ոճի հայ ըմբիշներն անհաջող մեկնարկեցին Մ-20 ԱԱ-ում
ՆԱՏՕ-ն չեղարկել է Ստոլտենբերգի հանդիպումը Վրաստանի վարչապետի հետ
Քաղաքականություն
18.05.2022 | 15:07
ՆԱՏՕ-ի գլխավոր քարտուղար Յենս Ստոլտենբերգի և Վրաստանի վարչապետ Իրակլի Ղարիբաշվիլիի բանակցությունները, որոնք պետք է անցկացվեին այսօր Բրյուսելում, չեղարկվել են։ Համապատասխան տեղեկությունը հրապարակված է Հյուսիսատլանտյան դաշինքի կայքում, փոխանցում է ՏԱՍՍ-ը։
«2022 թվականի մայիսի 18-ին ՆԱՏՕ-ի գլխավոր քարտուղար Յենս Ստոլտենբերգը պետք է ընդուներ Վրաստանի վարչապետ Իրակլի Ղարիբաշվիլիին։ Այս միջոցառումը չեղարկվել է»,- ասվում է հաղորդագրությունում։
Վրացական «Ռուսթավի 2» հեռուստաալիքը, վկայակոչելով իր աղբյուրներին, հայտնում է, որ հանդիպման չեղարկման պատճառը Ստոլտենբերգի վատառողջ լինելն է։ Չորեքշաբթի առավոտյան նա մասնակցել է Ֆինլանդիայից և Շվեդիայից ՆԱՏՕ-ին անդամակցության հայտերի ընդունման միջոցառմանը։ Բացի Ղարիբաշվիլիի հետ բանակցություններից՝ նա օրվա ընթացքում պետք է այլ հանդիպումներ ունենար, որոնք նույնպես չեղարկվել են։
Տաթև Ֆռանգյան
