28.06.2026 | 23:31
Ո՞ւր են ընտրությունների արդյունքներից դժգոհ մարդիկ․ Գալյանը՝ Վարդևանյանին. ՏԵՍԱՆՅՈւԹ
Պեսկովը հայտարարել է, որ Ուկրաինան չի ցանկանում շարունակել բանակցությունները Ռուսաստանի հետ
Քաղաքականություն
18.05.2022 | 15:41
Մոսկվան տեսնում է, որ Կիևը բացարձակապես չի ցանկանում շարունակել բանակցությունները Ռուսաստանի հետ։ Այս մասին լրագրողների հետ զրույցում ասել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Բանակցություններն առաջ չեն գնում: Եվ մենք իսկապես նշում ենք ուկրաինացի բանակցողների մոտ այդ գործընթացը շարունակելու ցանկության իսպառ բացակայությունը»,- ասել է նա:
Հիշեցնենք, որ ավելի վաղ ՌԴ ԱԳՆ-ն ևս հայտարարել էր ռազմական գործողությունների դադարեցման շուրջ բանակցային գործընթացից Ուկրաինայի դուրս գալու մասին։
Ուկրաինայի նախագահի գրասենյակն իր հերթին հայտարարել էր, որ Ռուսաստանի Դաշնության հետ բանակցությունները դադարի վիճակում են։ Նշվել է, որ Ուկրաինայի և Ռուսաստանի պատվիրակությունները պայմանավորվել են այն հարցերի շուրջ, որոնց շուրջ կարող էին, մնացյալի հարցերում պետք է նախագահները պայմանավորվեն, սակայն Կրեմլը պատրաստ չէ դրան։
Տաթև Ֆռանգյան
