08.06.2026 | 14:24
Ռոբերտա Մեցոլան շնորհավորել է Նիկոլ Փաշինյանին ՔՊ-ի հաղթանակի առիթով
Human Rights Watch-ը հետաքննում է Կիևի և Չեռնիգովի շրջաններում խոշտանգումների դեպքերը
Քաղաքականություն
18.05.2022 | 14:39
Ռուսական զորքերը, որոնք 2022 թվականի փետրվարի վերջից մինչև մարտի վերջ գրավել են Կիևի և Չեռնիգովի շրջանների զգալի մասը, մահապատժի են ենթարկել քաղաքացիական անձանց, խոշտանգել նրանց և կատարել այլ անօրինական գործողություններ, որոնք կարող են որակվել որպես ռազմական հանցագործություն։ Այս մասին ասվում է Human Rights Watch միջազգային կազմակերպության զեկույցում։
Կիևի և Չեռնիգովի շրջանների 17 գյուղերում իրավապաշտպաններն արդեն հետաքննել են մահապատիժների 22 դեպք, 9 այլ անօրինական սպանություն, 6 հնարավոր բռնի անհետացում և խոշտանգումների 7 դեպք: 21 քաղաքացիական անձ հայտնել է անմարդկային և նվաստացուցիչ պայմաններում ապօրինի կալանքի մասին:
Ավելի վաղ հաղորդվել էր, որ Կիևի մարզում հայտնաբերվել են ռուս զինվորականների կողմից սպանված ավելի քան 1200 անձանց մարմիններ։
Տաթև Ֆռանգյան
