12.12.2024 | 17:32
18-ամյա հնդիկ Դոմարաջուն՝ շախմատի աշխարհի 18-րդ չեմպիոն
ժամկետները խախտելը նորմա՞լ եք համարում․ ինչո՞ւ չպիտի մտածենք՝ կոռուպցիոն ռիսկեր կան․ Բագրատյան․ ՏԵՍԱՆՅՈՒԹ
Քաղաքականություն
18.05.2022 | 12:12
ՀՀ Ազգային ժողովի ֆինանսավարկային և բյուջետային հարցերի ու ԱԺ տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովների համատեղ նիստում քննարկվում է «ՀՀ տարածքային կառավարման եւ ենթակառուցվածքների նախարարությունում դպրոցների սեյսմիկ անվտանգության մակարդակի բարձրացման վարկային և դրամաշնորհային ծրագրերի նկատմամբ իրականացված հաշվեքննության վերաբերյալ» ՀՀ հաշվեքննիչ պալատի ընթացիկ եզրակացությունը:
Ներկայացնելով զեկույցը՝ ՀՀ հաշվեքննիչ պալատի հինգերորդ վարչության պետ Ժորա Մարգարյանը ընդգծեց, որ դպրոցների վերակառուցման ծրագրի շինաշխատանքները կատարվել են շեղումներով: Նրա խոսքով՝ աշխատանքները սահմանված ժամկետներում չեն կատարվել, նախագծերը փորձաքննության են ներկայացվել առանց նախահաշիվների:
ՀՀ ՏԿԵՆ Հայաստանի տարածքային զարգացման հիմնադրամի գործադիր տնօրեն Ա․ Սողոմոնյանը խոսելով խախտումների մասին՝ ընդգծեց, որ ուշացման բոլոր դեպքերում տույժեր են կիրառվել:
ԱԺ պատգամավոր Սերգեյ Բագրատյանը նկատեց. «Փաստորեն ծրագրերի նախագծերը չեն համապատասխանեցվել և նախահաշիվներ չեն ներկայացվել: Եվ սա հարց է, որն առնչվում է դպրոցների սեյսմիկ անվտանգության բարձրացմանը: Հարց է առաջանում՝ ինչպե՞ս եք մրցույթներում ինչ-որ մեկին հաղթող ճանաչել: Երկրորդ՝ եթե ժամկետներին չեն համապատասխանեցվել և եղել են բազմաթիվ խախտումներ ու թերություններ, այդ դեպքում պետք է ոչ թե առաջարկներ անել, այլ այդ աշխատանքները չընդունել: Ո՞վ է կրելու այս ամեն ինչի պատասխանատվությունը: Պետք է արմատապես փոխվի մեր մոտեցումը: ժամկետները խախտելը նորմա՞լ եք համարում․ ինչո՞ւ չպիտի մտածենք՝ կոռուպցիոն ռիսկեր կան»,- նշեց պատգամավորը:
Մանրամասները՝ տեսանյութում:
