Դպրոցների վերակառուցման ծրագրի շինաշխատանքները կատարվել են շեղումով․ Հաշվեքննիչ պալատի զեկույցը․ ՏԵՍԱՆՅՈՒԹ

ՀՀ Ազգային ժողովի ֆինանսավարկային և բյուջետային հարցերի ու ԱԺ տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովների համատեղ նիստում քննարկվում է «ՀՀ տարածքային կառավարման եւ ենթակառուցվածքների նախարարությունում դպրոցների սեյսմիկ անվտանգության մակարդակի բարձրացման վարկային և դրամաշնորհային ծրագրերի նկատմամբ իրականացված հաշվեքննության վերաբերյալ» ՀՀ հաշվեքննիչ պալատի ընթացիկ եզրակացությունը:

Ներկայացնելով զեկույցը՝ ՀՀ հաշվեքննիչ պալատի հինգերորդ վարչության պետ Ժորա Մարգարյանը ընդգծեց, որ դպրոցների վերակառուցման ծրագրի շինաշխատանքները կատարվել են շեղումներով:

«2015թ. սորագրված համաձայնագրի շրջանակներում դպրոցների վերակառուցման ծրագրի վերջնաժամկետը նշանակվել է մինչև 2021թ. մայիսի 31-ը, այնուհետև 2018 թվականին կատարված փոփոխությամբ վերջնաժամկետը երկարաձգվել է մինչև 2024թ. մայիսի 31-ը:

Նախատեսվել է 377 դրոցների շենքերի սեյսմակայունության բարձրացում, սեյսմիկ աղետների պատրաստվածության և արձագանքման կարողությունների հզորացում և սեյսմիկ աղետների ռիսկերի նվազեցմանն օժանդակող քաղաքականության և համակարգերի բարելավում…

2018 թվականին վերակառուցվող դպրոցների ընդհանուր թիվը հասցվել է 435-ի, իսկ առաջին փուլով կառուցվող դպրոցների քանակը 46-ի:

Պայմանագրեր են կնքվել թվով 11 դպրոցների հետ, որոնցից միայն մեկի աշխատանքներն են ավարտված եղել նշված ժամանակահատվածում…

Նախագծային աշխատանքների բոլոր պայմանագրերով աշխատանքները սահմանված ժամկետներում չեն կատարվել: Մեկ դեպքով պայմանագիրը լուծվել է աշխատանքները չկատարելու հիմքով, այն դեպքում, երբ սահմանված ժամկետն ավարտված չի եղել: Բոլոր օբյեկտների  նախագծերը փորձաքննության են ներկայացվել առանց նախահաշիվների»,- նշեց Մարգարյանը:

Մանրամասները՝ տեսանյութում։