16.07.2026 | 20:23
Միգրանտները պարտավոր կլինեն նոր բջջային հեռախոս գնել ՌԴ ժամանելիս
«Այս երկրի ժողովուրդը ԱԺ-ի 55 հոգին չեն, այլ այստեղ հավաքվածները». գյուղացիները փակել են Արմավիր-Երևան ճանապարհը
Հասարակություն
02.05.2018 | 11:59
Արդեն 2 ժամ է՝ փակ է Արմավիր-Երևան ճանապարհը: Հայանիստ համայնքի բնակիչները փակել են գյուղի խաչմերուկը՝ երթևեկությունը կաթվածահար է եղել: Գյուղացիները չեն թողնում երթևեկությունը իրականացվի ոչ դեպի Էջմիածին քաղաք, ոչ թե դեպի Մեհմանդար կոչվող գյուղատնտեսական շուկա:
Ցույցի դուրս եկած գյուղացիներն ասացին, որ իրենց վրդովվեցրել է հանրապետականների երեկվա ելույթները: Գյուղացիները ի նշան իրենց բողոքի բեռնատարներով, տրակտորներով կաթվածահար են արել ճանապարհը:
«Երեկվա ԱԺ-ում հնչած ելույթները մեկ բան էին փաստում, որ ՀՀԿ-անները ցույց տվեցին, որ իրենց իդենտիֆիկացնում են այս երկրի հետ: Մենք մեր անհնազանդություն ենք հայտնում ցույց տալով, որ այս երկրի ժողովուրդը ԱԺ-ի 55 հոգին չեն, այլ այստեղ հավաքվածները»,- ասաց համայնքի բնակչուհի Աննա Հարությունյանը:
Մեհմանդարից քաղաք վերադարձող առևտրականները վիճաբանում էին ցուցարարների հետ՝ պահանջելով բացել ճանապարհը: «Մալինաս արևի տակ փչացավ թողեք տանեմ երկու կոպեկ փող աշխատեմ»,- ասաց առևտրականներից մեկը:
Ճանապարհը փակած հայանիստցիները, սակայն, երևեկությունը թույլ չէին տալիս վերականգնել:
Ի նշան ՀՀԿ վերնախավի դեմ բողոքի ճանապարհը փակել են նաև Հովտաշատ գյուղի բնակիչները՝ գյուղացիներն ու աևտրկանները շուկա մտնել չեն կարողանում: Ի դեպ, բողոքի իրենց ձայն են բարձրացրել նաև Արարատի մարզի Ռանչպար և հարակից համայնքները: Գեղանիստ համայնքի բնակիչները ևս ճանապարհ են փակել:
