14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Վրաստանի վարչապետը Բրյուսելում է․ հանդիպումներ կունենա ԵՄ կառույցներում և ՆԱՏՕ-ում
Քաղաքականություն
17.05.2022 | 21:38
Վրաստանի վարչապետ Իրակլի Ղարիբաշվիլին երկօրյա այցով գտնվում է Բելգիայի Թագավորությունում։ Տեղեկությունը տարածում է Վրաստանի կառավարությունը, հաղորդում է Aliq media-ն:
Նշվում, որ այցի շրջանակներում Ղարիբաշվիլին բարձր մակարդակի երկկողմ հանդիպումներ կունենա Եվրոպական խորհրդում, Եվրահանձնաժողովում և Եվրախորհրդարանում, ինչպես նաև ՆԱՏՕ-ում:
«Հանդիպումների ընթացքում կքննարկվեն Վրաստանի եվրոպական և եվրատլանտյան ինտեգրման օրակարգի, Եվրահանձնաժողովի հարցաշարի հետ կապված հարցերը, ինչպես նաև տարածաշրջանում անվտանգության իրավիճակը»,- ասված է հաղորդագրության մեջ:
Հիշեցնենք՝ Վրաստանի արտաքին գործերի նախարար Իլիա Դարչիաշվիլին Վրաստանի վարչապետի հետ միասին մեկնել է Բրյուսել՝ հանդիպելու ԵՄ անդամ երկրների արտաքին գործերի նախարարների հետ։
