Փաշինյանը Պուտինի ներկայությամբ քննադատել է ՀԱՊԿ-ին. ի՞նչ փոփոխություններ սպասել. ՏԵՍԱՆՅՈւԹ

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Նիկոլ Փաշինյանը Վլադիմիր Պուտինի և ՀԱՊԿ անդամ մյուս պետությունների ղեկավարների ներկայությամբ կոշտ քննադատել է կազմակերպության գործունեությունը: Երեկ Կրեմլում ՀԱՊԿ հոբելյանական գագաթնաժողովին մասնակցող Փաշինյանը, դժգոհելով ՀԱՊԿ-ի արձագանքներից, նշել է, որ կառույցը համարժեք չի արձագանքել նախորդ տարի այս օրերին ադրբեջանական զորքերի Հայաստան ներխուժմանը:

«Անցած տարի հենց այս օրերին Ադրբեջանի զորքերը ներխուժել են Հայաստանի ինքնիշխան տարածք: Հայաստանը դիմել է ՀԱՊԿ-ին, որպեսզի գործադրվեն 2010 թվականի դեկտեմբերի 10-ին հաստատված Ճգնաժամային իրավիճակներին արձագանքման կանոնակարգով նախատեսված ընթացակարգերով մեխանիզմները: Բայց, ցավոք, չենք կարող ասել, որ կազմակերպությունը արձագանքեց այնպես, ինչպես սպասում էր Հայաստանի Հանրապետությունը»,- հայտարարել էր Փաշինյանը։

ՀԱՊԿ-ում նախագահող Հայաստանի վարչապետը քննադատել է նաև Ռուսաստանի և Բելառուսի կողմից Ադրբեջանին զենք վաճառելու գործարքները: Այս պետությունները միլիարդավոր դոլարների զենք են վաճառել Ադրբեջանին: Մասնավորապես, ՌԴ-ն միայն 2015-18 թվականներին 5 միլիարդ դոլարի զենք է մատակարարել ադրբեջանական բանակին: 2018-ին էլ Բելառուսը «Պոլոնեզ» տեսակի համազարկային կրակի ռեակտիվ համակարգեր էր վաճառել:

Վլադիմիր Պուտինը նիստի ընթացքում, իսկ հետո՝ Փաշինյանի հետ դեմ առ դեմ հանդիպմանը որևէ կերպ չի անդրադարձել Հայաստանի վարչապետի քննադատություններին: Ինչո՞ւ են Երևանի՝ ամենաբարձր մակարդակով հնչեցրած դժգոհություններն անպատասխան մնում: Հայաստանի իշխանական վերնախավից ընդգծված ռուսամետ հայացքներով աչքի ընկնող ԱԺ նախագահ Ալեն Սիմոնյանը Փաշինյանի քննադատություններն արդեն մեկ տարի անպատասխան թողնող Կրեմլի գործելաոճն այսպես է մեկնաբանում. «Այդ արձագանքը մենք պատկերացնում ենք, որ նույն պահին պետք է ինչ-որ կոճակ սեղմվի և ինչ-որ բան տրաքվի կամ գործողություն կատարվի: Այդ արձագանքը ներքին խոսակցություններով է լինում, մենք չգիտենք, թե դրանից հետո ինչ է զրուցել Պուտինն Ալիևի հետ»։

Ալեն Սիմոնյանը, այնուհանդերձ, վստահ է՝ Փաշինյանը Կրեմլում Պուտինին փոխանցել է հայ ժողովրդի դժգոհությունը:

«Ազատ քաղաքացի» ՀԿ նախագահ Հովսեփ Խուրշուդյանի խոսքով՝ այս ելույթով Նիկոլ Փաշինյանը կանխում է Մոսկվայի և Մինսկի այն ակնկալիքները, ըստ որոնց՝ ՀԱՊԿ անդամ պետությունները Ռուսաստանին աջակցելու են Ուկրաինայի դեմ սանձազերծած պատերազմում:

2015 թվականի դեկտեմբերին Սերժ Սարգսյանը ևս քննադատել էր ՀԱՊԿ անդամ պետությունների կողմից Ադրբեջանին զնեք վաճառելը և նրանց լռությունը, երբ այդ զենքով կրակում են Հայաստանի սահմանամերձ բնակավայրերի ուղղությամբ: Սերժ Սարգսյանը դաշնակիցներին հորդորել էր ադրբեջանական սադրանքերից հետո գոնե հեռախոսազանգով հետաքրքրվել, թե ի՞նչ է կատարվում դաշնակից Հայաստանում:

Ինչո՞ւ են Հայաստանից հնչող քննադատությունները մշտապես անպատասխան մնում Ռուսաստանի և ՀԱՊԿ անդամ մյուս պետությունների կողմից: Հովսեփ Խուրշուդյանը նշում է՝ Կրեմլը Հայաստանին օգնելու ցանկություն չունի:

Քաղաքագետ Դավիթ Ստեփանյանի խոսքով՝ Նիկոլ Փաշինյանի ելույթի շեշտադրումները տեղին էին, սակայն, պայմանավորված ՀԱՊԿ անդամ պետությունների ով լինելով, ըստ նրա, վարչապետի խոսքերը Հայաստանի անվտանգությանը որևէ օգուտ չեն տա:

Երեկ ՀԱՊԿ գագաթնաժողովին հաջորդած Փաշինյան-Պուտին առանձնազրույցի բաց հատվածի ընթացքում երկու երկրների ղեկավարներն այս հարցերին անդրադարձ չեն կատարել: Իսկ ի՞նչ են Պուտինն ու Փաշինյանը խոսել ՀԱՊԿ-ի անգործության մասին փակ դռների հետևում՝ անհայտ է: Առաջիկայում, եթե կառույցից դրական ազդակներ չլինեն, ենթադրելի կլինի, որ Ռուսաստանի համար Հայաստանի անվտանգությունն էական չէ:

Մանրամասները՝ տեսանյութում։

Նարեկ Կիրակոսյան