28.06.2026 | 18:42
Սաուդյան Արաբիայում ուղղաթիռի կործանման հետևանքով 14 մարդ է զոհվել
ԱՄՆ Պետքարտուղարությունն արձագանքել է Բաքվում խաղաղ ցույցի ժամանակ ոստիկանական բռնություններին
Քաղաքականություն
17.05.2022 | 22:10
Վաշինգտոնը կոչ է անում Ադրբեջանի իշխանություններին՝ հարգել մարդու իրավունքներն ու հիմնարար ազատությունները, այդ թվում՝ թույլ տալ բոլոր քաղաքացիներին խաղաղ ճանապարհով արտահայտել իրենց կարծիքը։
«Խաղաղ ցույցերը հանդիսանում են բաց քաղաքական համակարգի տարր։ Մենք լիովին աջակցում ենք Ադրբեջանի Սահմանադրությամբ երաշխավորված խոսքի հիմնարար ազատությունների և խաղաղ հավաքների իրականացման իրավունքին»,- ադրբեջանական «Թուրան» գործակալության՝ Բաքվում մայիսի 14-ին խաղաղ ցույցի ժամանակ տեղի ունեցած բռնությունների վերաբերյալ հարցին ի պատասխան՝ ասել է Պետքարտուղարության ներկայացուցիչը։
«Ինչպես աշխարհի այլ վայրերում՝ մենք կոչ ենք անում Ադրբեջանի կառավարությանը ևս ապահովել ԶԼՄ-ների անվտանգությունն ու պաշտպանել լրագրողների հնարավորությունը կատարել իրենց աշխատանքը՝ առանց բռնության, սպառնալիքների կամ անարդար կալանավորման վախի»,- հավելել է Պետքարտուղարության ներկայացուցիչը։
Հավելենք, որ Ադրբեջանում Մեծ Բրիտանիայի դեսպանատունը ևս հայտարարություն էր տարածել մայիսի 14-ին Բաքվում անցկացված ակցիայի ժամանակ ոստիկանության բռնությունների կապակցությամբ։
Էմմա Չոբանյան
