20.08.2026 | 16:06
Ազատ ոճի հայ ըմբիշներն անհաջող մեկնարկեցին Մ-20 ԱԱ-ում
Շվեդիան և Ֆինլանդիան ՆԱՏՕ-ին անդամակցելու հայտը կներկայացնեն մայիսի 18-ին
Քաղաքականություն
17.05.2022 | 19:30
Շվեդիան և Ֆինլանդիան ՆԱՏՕ-ին անդամակցելու իրենց դիմումը կներկայացնեն վաղը՝ մայիսի 18-ին։ Այս մասին հայտարարել է Շվեդիայի վարչապետ Մագդալենա Անդերսոնը Ֆինլանդիայի նախագահ Սաուլի Նիինիստոյի հետ համատեղ մամուլի ասուլիսում, գրում է CNN-ը։
Անդերսոնն ասել է, որ Շվեդիան ակնկալում է ՆԱՏՕ-ի շրջանակում համագործակցել Թուրքիայի հետ։
Նրա մեկնաբանությունը վերաբերվում է Թուրքիայի նախագահ Ռեջեփ Թայիփ էրդողանի այն հայտարարությանը, որ Անկարան հավանության չի արժանացնի Շվեդիայի և Ֆինլանդիայի անդամակցությունը ՆԱՏՕ-ին՝ Թուրքիայի դեմ պատժամիջոցների պատճառով, հետագայում երկու երկրներին նաև մեղադրելով քրդական «ահաբեկչական կազմակերպություններին» հյուրընկալելու մեջ:
«Ժողովրդավարությունը հաղթել է։ Այս ամբողջ գարունը Ֆինլանդիայի ժողովրդավարության հաղթանակն էր»,- իր հերթին հայտարարել է Սաուլի Նիինիստոն։
Էմմա Չոբանյան
