08.06.2026 | 12:55
ԱՊՀ դիտորդական առաքելությունը Հայաստանի խորհրդարանական ընտրությունները բաց և մրցակցային է անվանել
Մոսկվան չի բացառում ՌԴ-ի, Հայաստանի և Ադրբեջանի ղեկավարների ևս մեկ դեմ առ դեմ եռակողմ հանդիպման անցկացումը
Քաղաքականություն
17.05.2022 | 19:39
Մոսկվան չի բացառում Ռուսաստանի, Հայաստանի և Ադրբեջանի ղեկավարների ևս մեկ դեմ առ դեմ եռակողմ հանդիպման անցկացումը։ Այս մասին հայտարարել է ՌԴ փոխարտգործնախարար Անդրեյ Ռուդենկոն, գրում է EaDaily-ն։
«Շարունակում ենք համակարգված աշխատանքը բոլոր մակարդակներում՝ 2020 թվականի նոյեմբերի 9-ին, 2021 թվականի հունվարի 11-ին և նոյեմբերի 26-ին ամենաբարձր մակարդակով եռակողմ համաձայնագրերը կյանքի կոչելու համար։ Առաջնորդները մշտական կապի մեջ են։ Մենք չենք բացառում, եթե նման անհրաժեշտություն առաջանա, դեմ առ դեմ հանդիպման կազմակերպումը»,- ասել է ռուսաստանցի բարձրաստիճան դիվանագետը։
Անդրեյ Ռուդենկոն հիշեցրել է, որ մայիսի 12-ին Դուշանբեում Ռուսաստանի արտգործնախարար Սերգեյ Լավրովը ԱՊՀ արտգործնախարարների խորհրդի շրջանակում Հայաստանի և Ադրբեջանի գործընկերների հետ հանդիպման ժամանակ քննարկել է Բաքվի և Երևանի միջև հարաբերությունների կարգավորման հարցերի ողջ շրջանակը։
Տաթև Ֆռանգյան
