06.11.2024 | 22:35
Նիկոլ Փաշինյանն աշխատանքային այցով ժամանել է Հունգարիա
Ֆիննական Gasum ընկերությունը հրաժարվում է գազի դիմաց վճարել ռուբլով
Քաղաքականություն
17.05.2022 | 21:08
Ֆիննական Gasum պետական ընկերությունը չի ընդունել գազի վճարման նոր համակարգի անցնելու՝ ռուսական կողմի պահանջը, ասվում է ընկերության տարածած հաղորդագրության մեջ։
Այս կապակցությամբ ընկերությունը նախազգուշացնում է, որ Ռուսաստանից Ֆինլանդիա բնական գազի մատակարարումների դադարեցման մեծ ռիսկ կա։
Gasum-ը նշում է, որ այս իրավիճակին պատրաստվում էր բաժանորդների և երկրի իշխանությունների հետ միասին։ 2022 թվականի ամռանը Ֆինլանդիան հույս ունի գազ ստանալ Էստոնիայից Balticconnector գազատարով, սակայն խողովակաշարի հզորության սահմանափակումները կարող են բարդացնել խնդիրը:
Եվրոպական գազատար օպերատորների տվյալների համաձայն՝ ապրիլին այս գազատարը գազ չի մղել, սակայն մայիսի 1-ից շարունակաբար վառելիք է փոխադրում Ֆինլանդիա։
Տաթև Ֆռանգյան
