14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Բլինքենի և Չավուշօղլուի հանդիպմանը կարող է քննարկվել նաև Հայաստան-Թուրքիա հարաբերությունների կարգավորումը
Քաղաքականություն
17.05.2022 | 18:06
Թուրքիայի ԱԳ նախարար Մևլութ Չավուշօղլուն մայիսի 16-19-ը պաշտոնական այցով կմեկնի ԱՄՆ՝ մասնակցելու Միգրացիայի վերանայման միջազգային ֆորումին, գրում են թուրքական լրատվամիջոցները։
Նշվում է, որ Չավուշօղլուն մասնակցելու է մայիսի 18-ին Նյու Յորքում ՄԱԿ-ի կենտրոնակայանում կայանալիք Գլոբալ պարենային անվտանգության հարցերով նախարարական հանդիպմանը, որը հյուրընկալելու է ԱՄՆ պետքարտուղար Էնթոնի Բլինքենը։ Բացի այդ, Չավուշօղլուն առանձին հանդիպում կունենա Բլինքենի հետ․ տեղի կունենա Թուրքիա-ԱՄՆ ռազմավարական մեխանիզմի արտաքին գործերի նախարարների մակարդակով առաջին հանդիպումը։
Թուրքական լրատվամիջոցների հաղորդմամբ՝ երկու երկրների ԱԳ նախարարների հանդիպման օրակարգում կարող է լինել Հայաստան-Թուրքիա հարաբերությունների կարգավորումը։
«ԱՄՆ վարչակազմը հայտարարել է, որ իրենք վճռականորեն աջակցում են Թուրքիայի և Հայաստանի միջև հատուկ ներկայացուցիչների փոխադարձ նշանակմանը։ Հայտնի է, որ ԱՄՆ-ը թուրքական կողմի հետ կիսվել է նրանով, որ ողջունում է Անկարա-Երևան հարաբերությունների կարգավորման բանակցությունները»,- գրում են լրատվամիջոցները։
Հավելենք, որ Հայաստանի և Թուրքիայի հատուկ ներկայացուցիչների երրորդ հանդիպումը տեղի էր ունեցել Վիեննայում մայիսի 3-ին։
Էմմա Չոբանյան
