20.08.2026 | 16:06
Ազատ ոճի հայ ըմբիշներն անհաջող մեկնարկեցին Մ-20 ԱԱ-ում
G7-ի երկրները ծրագրում են Ուկրաինային 15 միլիարդ եվրոյի չափով ֆինանսական օգնություն տրամադրել
Քաղաքականություն
17.05.2022 | 18:50
«Մեծ յոթնյակի» երկրները ծրագրում են Ուկրաինային տրամադրել 15 միլիարդ եվրոյի չափով ֆինանսական օգնության փաթեթ, գրում է Reuters-ը։
Գերմանիայի կառավարության բարձրաստիճան պաշտոնյան ասել է, որ որոշումը պետք է ընդունվի այս շաբաթ Բոննում կայանալիք հանդիպման ժամանակ:
Նշվում է, որ փաթեթն ընդգրկելու է եռամսյա կարճաժամկետ ֆինանսավորում հիմնականում դրամաշնորհների տեսքով, որոնք, ի տարբերություն վարկերի, մարման կարիք չունեն։ Օգնության կեսը՝ 7,5 միլիարդ դոլարի դրամաշնորհների տեսքով, առաջարկել է Միացյալ Նահանգները, ասել է պաշտոնյան։
Հիշեցնենք, որ ավելի վաղ Ուկրաինան ԱՄՀ-ից 5 միլիարդ դոլարի ամսական օգնություն էր խնդրել՝ պատերազմի պատճառով բյուջեի դեֆիցիտը ծածկելու համար։ Եռամսյա ֆինանսական աջակցության մեծ մասը նախատեսվում է տրամադրել դրամաշնորհների տեսքով։ ԱՄՀ-ն ստեղծել է հատուկ ադմինիստրատիվ հաշիվ, որի միջոցով Ուկրաինան ֆինանսավորում կստանա։
Տաթև Ֆռանգյան
