08.06.2026 | 12:48
ԲՀԿ-ն չի հաղթահարում անցողիկ շեմը՝ ըստ ԿԸՀ-ի նախնական արդյունքների
19 տարեկանից բարձր դատապարտյալները ևս հնարավորություն կունենան ատեստատ ստանալ․ նախագիծ․ ՏԵՍԱՆՅՈՒԹ
Հասարակություն
17.05.2022 | 16:59
ԱԺ Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի հերթական նիստի ընթացքում քննարկվում է «Կրթության մասին օրենքում լրացում կատարելու մասին» նախագիծը:
Արդարադատության նախարարի տեղակալ Արփինե Սարգսյանը, ներկայացնելով նախագիծը, նշեց, որ Կրթության մասին օրենքի 18-րդ հոդվածի համաձայն՝ ՀՀ-ում 12-ամյա միջնակարգ կրթությունը պարտադիր է սովորողի մինչև 19 տարեկանը լրանալը, եթե այդ իրավունքն ավելի վաղ չի իրացվել:
«Այս կարգավորումը պրոյեկտելով ՀՀ քրեակատարողական հիմնարկներում առկա իրավիճակի վրա, ունենք հետևյալ պատկերը. շատ են այնպիսի դատապարտյալները, որոնք լինելով 26-35 տարեկան, դեռևս չունեն միջնակարգ կրթության վկայական և չեն հավակնում ավելի բարձր կրթություն ստանալ:
Անգրագիտության բարձր մակարդակ կա ՔԿՀ-ներում, ինչը թույլ չի տալիս ավելի արդյունավետ կերպով իրականացնել սոցիալ – հոգեբանական աշխատանքներ: Չունենալով կրթական ցենզ՝ բնականաբար անձինք չեն կարող հավակնել աշխատանքային շուկայում պահանջարկ ունեցող աշխատանք ունենալու:
Շուրջ 300 ազատազրկված անձինք չունեն 9-րդ կամ 12-րդ դասարանի ատեստատներ»,- նշեց փոխնախարարը՝ հավելելով, որ ներկայացված նախագծով նախատեսվում է, որ 19 տարեկանից բարձր դատապարտյալները ևս հնարավորություն ունենան ատեստատ ստանալ։
Մանրամասները՝ տեսանյութում:
