16.09.2026 | 20:06
Աշխատակիցներին սպառնում են աշխատանքից ազատել քաղաքական հայացքների պատճառով. «Անկախ դիտորդ»-ը ահազանգում է
ՌԴ ԱԳՆ-ն հայտարարել է, թե Ուկրաինան դուրս է եկել բանակցային գործընթացից
Քաղաքականություն
17.05.2022 | 16:34
ՌԴ ԱԳՆ-ն հայտարարում է ռազմական գործողությունների դադարեցման շուրջ բանակցային գործընթացից Ուկրաինայի դուրս գալու մասին։ Մայիսի 17-ին նման հայտարարություն է արել փոխարտգործնախարար Անդրեյ Ռուդենկոն, գրում է Korrespondent-ը։
«Ոչ, բանակցությունները չեն ընթանում: Ուկրաինան փաստացի դուրս է եկել բանակցային գործընթացից: Ոչ մի ձևով (դրանք չեն ընթանում)»,- ասել է նա:
Ռուդենկոն հավելել է, որ ուկրաինական կողմը չի արձագանքել հաշտության պայմանագրի ռուսական նախագծին։
Ավելի վաղ Ուկրաինայի նախագահի գրասենյակը հայտարարել էր, որ Ռուսաստանի Դաշնության հետ բանակցությունները դադարի վիճակում են։ Նշվել է, որ Ուկրաինայի և Ռուսաստանի պատվիրակությունները պայմանավորվել են այն հարցերի շուրջ, որոնց շուրջ կարող են, մնացածի շուրջ նախագահները պետք է պայմանավորվեն, սակայն Կրեմլը պատրաստ չէ դրան։
Տաթև Ֆռանգյան
