26.06.2026 | 10:03
ՌԴ-ն ամբողջությամբ սահմանափակել է ձկնամթերքի մատակարարումը Հայաստանի բոլոր ձեռնարկություններից
ՄԱԿ-ը ցանկանում է մեղմացնել ՌԴ-ի դեմ պատժամիջոցները՝ Ուկրաինայից հացահատիկի արտահանման դիմաց․ WSJ
Քաղաքականություն
17.05.2022 | 14:12
ՄԱԿ-ի գլխավոր քարտուղար Անտոնիո Գուտերեշը բանակցություններ է վարում Ռուսաստանի, Թուրքիայի և այլ երկրների հետ՝ վերականգնելու ուկրաինական արտադրանքի արտահանումը Ռուսաստանի և Բելառուսի դեմ որոշ պատժամիջոցների մեղմացման դիմաց։ Այս մասին գրում է The Wall Street Journal-ը՝ հղում անելով սեփական դիվանագիտական աղբյուրներին։
Նշվում է, որ Ռուսաստանն արգելափակել է Ուկրաինայի նավահանգիստները Սև ծովում, ինչը սպառնում է համաշխարհային շուկաներում պարենի համաշխարհային դեֆիցիտով։ Պարբերականի համաձայն՝ Գուտերեշը խնդրել է Մոսկվային թույլ տալ ուկրաինական հացահատիկի որոշ մատակարարումներ՝ Ռուսաստանից և Բելառուսից պարարտանյութերի արտահանումը հեշտացնելու միջոցների դիմաց։
WSJ-ի զրուցակիցները նշել են, որ Թուրքիան պատրաստակամություն է հայտնել մասնակցել գործարքին, այդ թվում՝ ծովում ականների ոչնչացման և նավագնացության կառավարման միջոցով։
«Ռուսաստանը և Բելառուսը կալիումական պարարտանյութերի հիմնական մատակարարներն են։ Ներկայում բելառուսական պարարտանյութի մատակարարումն արգելված է Արևմուտքի պատժամիջոցների պատճառով։ Ուկրաինայի պատերազմը խաթարել է նաև որոշ ապրանքների արտահանումը Ռուսաստանից, և Գուտերեշը փորձում է վերացնել խոչընդոտները, ներառյալ արևմտյան պատժամիջոցները, որպեսզի շուկա վերադարձնի ավելի շատ ռուսական և բելառուսական պարարտանյութ»,- գրում է երթը:
ՄԱԿ-ի պաշտոնյաները մտավախություն ունեն, որ պատերազմի և Ուկրաինայում նավահանգիստների շրջափակման պատճառով գների աճը և սննդի հնարավոր պակասը կարող են ապակայունացնել ուկրաինական հացահատիկից կախված աղքատ երկրները և հանգեցնել հակամարտությունների:
Տաթև Ֆռանգյան
