07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
ՀԱԳՄ նախագահը կարևորել է պետություն-մասնավոր հատված արդյունավետ երկխոսության հարթակների կատարելագործումը
Քաղաքականություն
17.05.2022 | 14:03
Հայաստանի արդյունաբերողների և գործարարների միության պատվիրակությունը՝ նախագահ Արսեն Ղազարյանի գլխավորությամբ, մայիսի 16-ին հանդիպում է ունեցել ՀՀ ֆինանսների նախարար Տիգրան Խաչատրյանի հետ․ տեղեկացնում են ֆինանսների նախարարությունից։
«Գործարարների խնդրանքով նախարարը հանգամանալից տեղեկատվություն է ներկայացրել մշակվող հարկային բարեփոխումների վերաբերյալ, մասնավորապես մանրամասնել հանքարդյունաբերության ոլորտում նախատեսվող քայլերը։ Կարևորվել է պետություն-մասնավոր հատված երկխոսության հետագա խորացման անհրաժեշտությունը, հատկապես՝ կապված եկամուտների համընդհանուր հայտարարագրման աստիճանական ներդրման և տրանսֆերային գնագոյացման ու հարկային քաղաքականության մշակման հարցերում։
ՀԱԳՄ նախագահը անդրադարձել է ՀՀ Հարկային օրենսգրքում փոփոխությունների փաթեթի առնչությամբ գործարարների ունեցած մոտեցումներին ու առաջարկներին, նկատառումներ ներկայացրել պետական սուբսիդավորմամբ լաստանավային բեռնափոխադրումների կազմակերպման, ինչպես նաև Առողջապահության համապարփակ ապահովագրության հայեցակարգի առնչությամբ։
Արսեն Ղազարյանը կարևորել է պետություն-մասնավոր հատված արդյունավետ երկխոսության հարթակների կատարելագործումը` այդ առումով ընդգծելով ՀԱԳՄ մասնագիտական, վերլուծական կարողությունների հետագա զարգացումը։
Հանդիպմանը մասնակցել են ՀՀ ֆինանսների նախարարի տեղակալ Արման Պողոսյանը, ՀԱԳՄ փոխնախագահներ Ներսես Կարամանուկյանն ու Քրիստ Փիլոսյանը»,- ասված է հաղորդագրությունում։
