08.06.2026 | 22:58
Հայտնի է նոր Ազգային ժողովի առաջին նիստի օրը
Շվեդիայի ԱԳ նախարարը ստորագրել է ՆԱՏՕ-ին անդամակցության դիմումը
Քաղաքականություն
17.05.2022 | 13:09
Շվեդիայի կառավարությունը պաշտոնապես դիմել է ՆԱՏՕ-ին անդամակցելու համար․ մայիսի 17-ին ԱԳ նախարար Անն Լինդեն ստորագրել է ՆԱՏՕ-ին անդամակցելու դիմումը: Այս մասին ասվում է կազմակերպությունում Շվեդիայի ներկայացուցչության թվիթերյան էջում հրապարակված հաղորդագրությունում։
Սա նշանավորում է Ստոկհոլմի պաշտոնական քայլը ԱՄՆ-ի գլխավորած ռազմական դաշինքին միանալու ուղղությամբ՝ վերջ տալով տասնամյակների ռազմական չեզոքությանը:
Հիշեցնենք, որ ավելի վաղ համապատասխան հայտարարությամբ հանդես էր եկել Շվեդիայի վարչապետ Մագդալենա Անդերսոնը։ Նա նշել էր, որ կառավարությունը խորհրդարանական նիստի արդյունքներով որոշել է դիմել ՆԱՏՕ-ին։
Վարչապետի խոսքով՝ խորհրդարանականների ճնշող մեծամասնությունը պաշտպանել է երկրի՝ ՆԱՏՕ-ին անդամակցելու առաջարկը։
Տաթև Ֆռանգյան
