16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Տեղեկատվություն չտրամադրելու համար նախատեսված տուգանքները կխստացվեն․ նախագիծ․ ՏԵՍԱՆՅՈՒԹ
Հասարակություն
17.05.2022 | 12:34
ԱԺ Պետաիրավական հարցերի հանձնաժողովի նիստի ընթացքում ՀՀ արդարադատության նախարարի տեղակալ Երանուհի Թումանյանցը ներկայացրեց գործադիրի հեղինակած «Վարչարարության հիմունքների և վարչական վարույթի մասին» օրենքում փոփոխություններ և լրացումներ կատարելու մասին նախագիծը:
«Նախագծով առաջարկվում է օրենքով նախատեսված տեղեկությունն ապօրինաբար չտրամադրելու համար սահմանված տուգանքը նվազագույն աշխատավարձի տասնապատիկից երեսնապատիկի փոխարեն սահմանել հիսնապատիկից յոթանասունապատիկ»,- նշեց Թումանյանցը:
Փոխնախարարի խոսքով՝ նույն խախտումը վարչական տույժ նշանակելուց հետո մեկ տարվա ընթացքում կատարելու դեպքում գործող նավազագույն աշխատավարձի հիսնապատիկից հարյուրապատիկ վարչական տույժի շեմն առաջարկվում է հասցնել հայուրապատիկից հարյուր հիսնապատիկի:
Նախագծի հիմնավորման մեջ ասվում է, որ այդ վիճակագրությունից բխում է, որ օրենսգրքով նախատեսված տասից հիսուն հազար դրամ տուգանքի չափ նախատեսված լինելը բավարար չափով չի շահագրգռում քաղաքացիներին, իրավաբանական անձանց հայց հարուցել պետական և տեղական ինքնակառավարման մարմինների, պետական հիմնարկների, բյուջեներից ֆինանսավորվող կազմակերպությունների, ինչպես նաև հանրային նշանակության կազմակերպությունների պաշտոնատար անձանց դեմ՝ օրենքով նախատեսված տեղեկությունը ապօրինաբար չտրամադրելու համար:
Փոխնախարարը հավելեց, որ տույժերի ավելացման միջոցով գործադիրը ցանկանում է շահագրգռել քաղաքացիներին՝ տեղեկատվություն չստանալու դեպքում դիմել դատարան:
Հանձնաժողովը միաձայն կողմ քվեարկեց նախագծին:
Մանրամասները՝ տեսանյութում:
