08.06.2026 | 19:34
Չնայած հսկայական ճնշմանը՝ Հայաստանի ժողովուրդը հստակորեն ընտրել է ժողովրդավարությունն ու խաղաղությունը. Մերց
Պատերազմի մոտալուտ ավարտի նշաններ չկան․ Օլաֆ Շոլց
Քաղաքականություն
17.05.2022 | 12:14
Գերմանիայի կանցլեր Օլաֆ Շոլցը հայտարարել է, որ Ուկրաինայում պատերազմի մոտալուտ ավարտի նշաններ չի տեսնում և մտահոգություն է հայտնել հակամարտության հնարավոր սրման վերաբերյալ, գրում է BBC-ի ռուսական ծառայությունը։
«Ցավոք սրտի, մինչ այժմ պատերազմի ավարտի նշաններ չեն նկատվել, անհրաժեշտ է որքան հնարավոր է շուտ վերջ տալ դրան», – ասել է Շոլցը գերմանական RTL հեռուստաալիքին տված հարցազրույցում:
Շոլցը խոստացել է, որ Գերմանիան կշարունակի զենք տրամադրել Ուկրաինային։ Մասնավորապես, նա ակնկալում է խոստացված «Գեպարդ» ինքնագնաց զենիթային համակարգերի բավականին արագ մատակարարում։
«Մենք պետք է նաև մշտապես զգույշ լինենք, որպեսզի չընդունենք որոշումներ, որոնք մեզ կդարձնեն հակամարտության կողմ»,- ընդգծել է Շոլցը։
Նա վստահեցրել է, որ թույլ չի տա որոշումներ, որոնք կարող են հանգեցնել ՆԱՏՕ-ի և Ռուսաստանի միջև ուղիղ հակամարտության, և կրկին մերժել է Ուկրաինայի վրա ոչ թռիչքային գոտի ստեղծելու գաղափարը, որը կպահանջի կործանիչներ ուղարկել։
«Ռուսաստանի համար այս իրավիճակից միայն մեկ ելք կա՝ համաձայնության գալ Ուկրաինայի հետ»,- ասել է կանցլերը։
Ըստ նրա՝ սա չի նշանակում, որ խաղաղություն ձեռք կբերվի բռնի պայմաններում՝ տարածքի մի մասի զավթմամբ, իսկ հետո՝ «ստորագրիր այստեղ» պահանջով։
Տաթև Ֆռանգյան
