26.03.2026 | 23:44
Քարաթափում Սիսիան-Լծեն-Տաթև ավտոճանապարհին
Իրանը ցանկանում է վերսկսել միջնորդական ջանքերը Ռուսաստանի և Ուկրաինայի միջև
Քաղաքականություն
17.05.2022 | 13:32
Իրանի իշխանությունները մտադիր են վերսկսել Մոսկվայի և Կիևի միջև միջնորդության և հակամարտությունը լուծելուն ուղղված ջանքերը։ Այս մասին ՌԻԱ Նովոստիին ասել է Իրանի ԱԳՆ պաշտոնական ներկայացուցիչ Սաիդ Խաթիբզադեն։
«Մենք կփորձենք նպաստել (Ուկրաինայի և Ռուսաստանի միջև հակամարտության կարգավորմանը)՝ որքան կարող ենք և այնքանով, որքանով երկու կողմերն էլ պատրաստ են: Իրանի Իսլամական Հանրապետությունը կսկսի իր ջանքերի նոր փուլը (հակամարտությունը լուծելու համար)»,- ասել է Խաթիբզադեն։
Նա նաև նշել է, որ երկու կողմերն էլ ընդունում և լրջորեն են վերաբերվում իրանական միջնորդությանը։ Այդ մասին, ըստ Խաթիբզադեի, ասվել է ինչպես Իրանի արտգործնախարար Հոսեյն Ամիր Աբդոլլահիանի այցերի ժամանակ, այնպես էլ Ուկրաինայի արտգործնախարար Դմիտրի Կուլեբայի հետ ունեցած շփումներում։
Տաթև Ֆռանգյան
