27.02.2026 | 23:31
Ստեփանծմինդա-Լարս ավտոճանապարհը փակ է
Շվեդիայի ՊՆ ղեկավարը մեկնում է ԱՄՆ․ քննարկվելու է նաև ՆԱՏՕ-ին անդամակցության հարցը
Քաղաքականություն
16.05.2022 | 21:46
Շվեդիայի պաշտպանության նախարար Պետեր Հուլտքվիստը կմեկնի ԱՄՆ՝ հանդիպելու իր ամերիկացի գործընկեր Լլոյդ Օսթինի հետ, գրում է CNN-ը։
Շվեդիայի կառավարության հաղորդագրության համաձայն՝ հանդիպումը տեղի կունենա չորեքշաբթի՝ Պենտագոնի հրավերից հետո։ Քննարկումները կենտրոնանալու են «Ուկրաինայի դեմ Ռուսաստանի ագրեսիայի, Եվրոպայում անվտանգության իրավիճակի, երկկողմ համագործակցության և ՆԱՏՕ-ին անդամակցելու՝ Շվեդիայի առաջիկա հայտի վրա»։
Նշվում է, որ քննարկվելու են Չինաստանի պաշտպանական քաղաքականությունը և դրա հետևանքները ԱՄՆ-ի և Շվեդիայի համար։
Շվեդիայի ՊՆ ղեկավարը նաև հանդիպելու է ԱՄՆ Կոնգրեսի ներկայացուցիչների հետ։
Էմմա Չոբանյան
