25.11.2024 | 21:30
Երևանում և 7 մարզում էլեկտրաէներգիայի անջատումներ կլինեն
Ուկրաինայում ՀԱՊԿ ուժերն օգտագործելու հարցն առաջնորդների հանդիպմանը չի բարձրացվել․ Զաս․ ՏԵՍԱՆՅՈՒԹ
Քաղաքականություն
16.05.2022 | 19:11
Ուկրաինայում ռազմական գործողությունների ընթացքում ՀԱՊԿ ուժերի օգտագործման հարցը կազմակերպության անդամ պետությունների ղեկավարների հանդիպմանը չի բարձրացվել։ Այս մասին հայտարարել է կազմակերպության գլխավոր քարտուղար Ստանիսլավ Զասը։
«Այսօր հանդիպման ժամանակ Ռուսաստանի Դաշնության նախագահ Վլադիմիր Պուտինն իր գործընկերներին մանրամասն տեղեկացրել է Ուկրաինայում Ռուսաստանի Դաշնության կողմից իրականացվող հատուկ ռազմական գործողության ընթացքի մասին: Այս հատուկ ռազմական գործողությանը ՀԱՊԿ-ի որևէ մասնակցության հարցը չի բարձրացվել և չի քննարկվել»,- ասել է Զասը՝ պատասխանելով լրագրողների հարցին։
Հիշեցնենք, որ այսօր Մոսկվայում կայացել է ՀԱՊԿ անդամ երկրների ղեկավարների հոբելյանական գագաթնաժողովը, որի ավարտին անդամ երկրների ղեկավարները համատեղ հայտարարություն են ընդունել։
Տաթև Ֆռանգյան
