17.01.2026 | 13:45
UFC-ի չեմպիոն Իլյա Տոպուրիան հայտնել է՝ երբ է վերադառնալու օկտագոն
ՌԴ ՊՆ-ն հայտնել է, որ վիրավորված ուկրաինացի զինծառայողներն «Ազովստալ»-ից տեղափոխվում են հիվանդանոց
Քաղաքականություն
16.05.2022 | 18:19
ՌԴ ՊՆ-ն պնդում է, որ Մարիուպոլի «Ազովստալ» գործարանում արգելափակված ուկրաինացի զինվորականների հետ պայմանավորվածություն է ձեռք բերվել վիրավորներին տարհանելու վերաբերյալ, լռության ռեժիմ է մտցվել և մարդասիրական միջանցք է բացվել, որով վիրավոր ուկրաինացի զինվորականները տեղափոխվում են ինքնահռչակ Դոնեցկի հանրապետության տարածք, գրում է BBC-ի ռուսական ծառայությունը։
Ուկրաինացի պաշտոնատար անձինք դեռ չեն հաստատել այս տեղեկությունը։
Այսօր ավելի վաղ Դոնեցկի «Վոստոկ» գումարտակի (այժմ՝ այսպես կոչված Դոնեցկի ժողովրդական հանարպետության ժողովրդական միլիցիայի 11-րդ գունդ) հիմնադիր Ալեքսանդր Խոդակովսկին հայտարարել էր, որ «Ազովստալ»-ից սկսվել է վիրավոր ուկրաինացի ուժայինների տարհանումը։
Նա նաև հայտնել է, որ առավոտյան Ուկրաինայի անվտանգության մի քանի աշխատակիցներ սպիտակ դրոշով դուրս են եկել «Ազովստալ»-ից՝ բանակցելու վիրավորների տարհանման շուրջ։
Տաթև Ֆռանգյան
