Քաղաքականություն
16.05.2022 | 17:38
ՀԱՊԿ երկրների ղեկավարները կարևոր են համարում մայրցամաքում լարվածության թուլացումը, հաստատում են ՆԱՏՕ-ի հետ համագործակցություն հաստատելու իրենց պատրաստակամությունը։ Այս մասին ասվում է համատեղ հայտարարության մեջ, որը տարածել է Կրեմլի պաշտոնական կայքը։
«Գիտակցելով Եվրասիական տարածաշրջանում կայուն խաղաղություն ապահովելու մեր պատասխանատվությունը՝ մենք ընդգծում ենք մայրցամաքում լարվածության նվազեցման կարևորությունը և հաստատում ենք մեր պատրաստակամությունը գործնական համագործակցություն հաստատել Հյուսիսատլանտյան դաշինքի հետ»,- ասվում է փաստաթղթում։
Հիշեցնենք՝ այսօր Մոսկվայում տեղի է ունենում ՀԱՊԿ գագաթնաժողովը (Հայաստան, Բելառուս, Ռուսաստան, Ղազախստան, Ղրղզստան, Տաջիկստան):
Տաթև Ֆռանգյան
