18.08.2026 | 10:44
Էրդողանը Դոնալդ Թրամփի հետ ԱՄՆ-Իրան հակամարտությունն է քննարկել
Թալանի վերադարձի՞ց եք խոսում․ փախաք մարտի դաշտից՝ տապալելով «Հայաստան» հիմնադրամի հանձնաժողովի աշխատանքը․ Վլադիմիր Վարդանյան․ ՏԵՍԱՆՅՈՒԹ
Քաղաքականություն
16.05.2022 | 20:32
«Կառավարող ուժին անհասկանալի է ընդդիմության պահանջը։ Իրենց վարչապետին հնարավոր է ընտրել այն պարագայում, երբ հաղթանակ տանեն ընտրություններում։ Խորհրդարանական կառավարումն է այդպիսին»,- Factor TV-ի հարցազրույցում ասում է ԱԺ «Քաղաքացիական պայմանագիր» խմբակցության պատգամավոր Վլադիմիր Վարդանյանը։
Ըստ նրա՝ ընդդիմությունը պիտի ընդունի, որ ինքը ևս պատասխանատու է պետության առջև և ակտիվ պիտի մասնակցի կառավարմանը՝ Տնտեսական և Մարդու իրավունքների հանձնաժողովում ունենալով նախագահների պաշտոն։
«Իսկ արտաքին քաղաքականության պարագայում գործադիրը չի հարցնում նաև օրենսդիրին, բայց ԱԺ-ում կան այսպիսի ինստիտուտներ արտաքին քաղաքականության բնագավառներում՝ հարց ու պատասխան Կառավարության հետ, գրավոր եղանակով հարցեր ուղղելու, հանձնաժողովներ ստեղծելու, օրենսդրական նախաձեռնությամբ հանդես գալու ինստիտուտ»,- թվարկում է իշխանական պատգամավորը՝ ընդգծելով, որ այդ գործիքակազմերից չի օգտվում փողոց դուրս եկած ընդդիմությունը։
Ավելին, Վլադիմիր Վարդանյանը մեղադրում է ընդդիմությանը՝ «Հայաստան» համահայկական հիմնադրամի հարցով ստեղծված քննիչ հանձնաժողովի աշխատանքը տապալելու մեջ․ «Ես հարց եմ տալիս՝ դուք եք սկսել գործընթացը, ժամկետին ավարտին չեք հասցրել, բարի չեք եղել՝ գալ ԱԺ, որ երկարացվի հանձնաժողովի մանդատը, և հիմա խոսում եք թալանը և թալանածը հետ վերադարձնելու մասի՞ն։ Կներեք, բայց սա մարտի դաշտից փախչել է։ Ամենապարադոքսալն է՝ Արցախի դրոշները տեղադրեցին ԱԺ-ում և լքեցին դահլիճը»։
Հարցազրույցն ամբողջությամբ՝ տեսանյութում։
Ռոբերտ Անանյան
