08.06.2026 | 18:45
Ադրբեջանի, Թուրքիայի և Վրաստանի ԱԳ նախարարները քննարկել են TRIPP-ը
McDonald’s-ը վերջնական որոշում է կայացրել Ռուսաստանից հեռանալու մասին
Քաղաքականություն
16.05.2022 | 18:36
McDonald’s ընկերությունը հայտարարել է, որ վերջնական որոշում է կայացրել Ռուսաստանից հեռանալու մասին, գրում է BBC-ի ռուսական ծառայությունը։
«Ուկրաինայում պատերազմի հետևանքով առաջացած հումանիտար ճգնաժամը և աշխատանքային պայմանների աճող անկանխատեսելիությունը ստիպել են McDonald’s-ին եզրակացնել, որ Ռուսաստանում բիզնես ունենալն այլևս տեղին չէ և չի համապատասխանում McDonald’s-ի արժեքներին»,- ասվում է ընկերության տարածած հայտարարության մեջ։
Հիշեցնենք, որ McDonald’s արագ սննդի ցանցը որոշում էր կայացրել ժամանակավորապես փակել ՌԴ-ում իր 850 ռեստորանները ու դադարեցնել գործունեությունը դեռևս մարտի սկբին։ Ընկերության ռուսական ներկայացուցչություններում, ընդհանուր առմամբ, աշխատում է 62 հազար մարդ։
Տաթև Ֆռանգյան
