26.03.2026 | 23:44
Քարաթափում Սիսիան-Լծեն-Տաթև ավտոճանապարհին
Լիտվայի նախագահը պաշտոնական այցով Հայաստան կժամանի
Քաղաքականություն
16.05.2022 | 13:02
Լիտվայի նախագահ Գիտանաս Նուասեդան պաշտոնական այցով ժամանելու է Հայաստան։ Այս մասին տեղականում ենք Լիտվայի նախագահի պաշտոնական կայքից։ Նշվում է, որ Նուասեդան մայիսի 18-20-ը պաշտոնական այցեր է կատարելու Հայաստան և Ադրբեջան։
Հայաստանում մայիսի 19-20-ը Նուասեդան հանդիպելու է ՀՀ նախագահ Վահագն Խաչատուրյանին, վարչապետ Նիկոլ Փաշինյանին, ԱԺ նախագահ Ալեն Սիմոնյանին։ Հանդիպումների ընթացքում քննարկվելու են կովկասյան տարածաշրջանում անվտանգության իրավիճակը, Հայաստանում ժողովրդավարական բարեփոխումները, ԵՄ-Հայաստան համագործակցությունը Արևելյան գործընկերության ձևաչափում, ինչպես նաև Լիտվայի և Հայաստանի երկկողմ հարաբերությունները։
Լիտվայի նախագահը հանդիպելու է նաև Ամենայն հայոց կաթողիկոս Գարեգին 2-րդին, լիտվական համայնքի ներկայացուցիչներին, Ծիծեռնակաբերդի հուշահամալիրում ծաղկեպսակ է դնելու ի հիշատակ Հայոց ցեղասպանության զոհերի։
Մայիսի 18-ին էլ Լիտվայի նախագահը լինելու է Ադրբեջանում, որտեղ հանդիպելու է նախագահ Իլհամ Ալիևին, վարչապետ Ալի Ասադովին, լիտվական համայնքի ներկայացուցիչներին։
Էմմա Չոբանյան
