16.09.2026 | 16:20
Կոսովոյի նախկին նախագահ Հաշիմ Թաչին ռազմական հանցագործությունների համար դատապարտվել է 25 տարվա ազատազրկման
Շվեդիան պաշտոնապես որոշել է ՆԱՏՕ-ին անդամակցելու հայտ ներկայացնել
Քաղաքականություն
15.05.2022 | 21:59
Շվեդիան պաշտոնապես որոշել է դիմել ՆԱՏՕ-ին անդամակցելու համար, «ՌԻԱ Նովոստի»-ի փոխանցմամբ՝ ասվում է իշխող Սոցիալ-դեմոկրատական կուսակցության հայտարարության մեջ։
«2022 թվականի մայիսի 15-ի իր նիստում Սոցիալ-դեմոկրատների կուսակցության վարչությունը որոշել է, որ կուսակցությունն աշխատելու է, որպեսզի Շվեդիան ՆԱՏՕ-ին անդամակցելու հայտ ներկայացնի», – ասված է պաշտոնական հաղորդագրության մեջ:
Դրա հետ մեկտեղ երկրի ղեկավարությունը մտադիր է հասնել իր տարածքում միջուկային զենքի և մշտական ռազմակայանների տեղակայման արգելքի:
Ֆինլանդիան նույնպես պաշտոնապես որոշել է անդամակցել Հյուսիսատլանտյան դաշինքին։
Ստոկհոլմում և Հելսինկիում խոսել են Ուկրաինայում ռուսական հատուկ գործողության ֆոնին երկարամյա չեզոքությունից հրաժարվելու և ՆԱՏՕ-ին անդամակցելու հնարավորության մասին: Դաշինքի ղեկավար Յենս Ստոլտենբերգը պնդում է, որ դաշինքն ուրախ կլինի տեսնել Ֆինլանդիային և Շվեդիային իրենց շարքերում և նրանց կապահովի արագ անդամակցության հնարավորություն:
