15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Ռոզա Լինն անդրադարձել է «Եվրատեսիլում» իր ելույթին
Հասարակություն
15.05.2022 | 15:22
Մայիսի 14-ին Թուրինում կայացավ «Եվրատեսիլ- 2022»-ի եզրափակիչը, որի հաղթողը դարձավ Ուկրաինան ներկայացնող Kalush Orchestra-ն Stefania երգով: Հայաստանը մրցույթում զբաղեցրեց 20-րդ հորիզոնականը: Հայաստանի ներկայացուցիչ Ռոզա Լինը շնորհավորել է մրցույթի հաղթողներին, եւ, անդրադառնալով իր եվրատեսիլյան ճամփորդությանը, Instagram-ում գրել է.
«Այսպիսով, մեր Snap-ի փոքրիկ պատմությունն ավարտվեց. ես շատ ուրախ եմ այս հիասքանչ հնարավորության ու փորձի համար: Արտիստի համար լավագույն պահն այն է, երբ հանդիսատեսն իրեն ձայնակցում է երգի ընթացքում: Snap-ը կատարելիս ես ամեն անգամ զգացել եմ այդ պահը, ինչի համար սրտանց շնորհակալ եմ յուրաքանչյուրիդ:
Շուտով կլինեն նոր երգեր, նոր պատմություններ եւ նոր բարձունքներ, որոնք պետք է նվաճել:
Շնորհակալ եմ այն աջակցության համար, որն ստացել եմ այս ամիսների ընթացքում, դուք խենթ եք: Հիմա ժամանակն է, որ թերթեմ այս էջն ու առաջ շարժվեմ, այս անգամ` ոչ միայնակ, այլ ձեզ հետ»,-գրել է նա:
