18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Լիբանանում մեկնարկել են խորհրդարանական ընտրությունները
Քաղաքականություն
15.05.2022 | 11:14
Լիբանանում մեկնարկել են խորհրդարանական ընտրությունները։ Ընտրատեղամասերը բացվել են տեղական ժամանակով ժամը 07:00-ին և կշարունակեն աշխատել մինչև երեկոյան 19:00-ն։ Այս մասին տեղեկացնում է «ՏԱՍՍ»-ը։
Ընտրությունները, որոնք առաջինն են 2018 թվականից ի վեր, դիտվում են որպես փորձություն, թե արդյո՞ք Հեզբոլլահը և նրա դաշնակիցները կարող են պահպանել իրենց խորհրդարանական մեծամասնությունը՝ աճող աղքատության և իշխանության կուսակցությունների նկատմամբ զայրույթի պայմաններում:
Ընտրացուցակներում ընդգրկվել է 21 տարեկանից բարձր 3,7 մլն քաղաքացի։ 128 տեղի համար կպայքարեն 718 թեկնածուներ, այդ թվում՝ 118 կանայք։
Ընտրությունները կանցկացվեն համամասնական ընտրակարգով, ինչը թույլ կտա բոլոր խոշոր կրոնական համայնքների ներկայացուցիչներին մտնել օրենսդիր մարմին։ Լիբանանի դավանաբանական կառույցի համաձայն՝ վարչապետի պաշտոնը պատկանում է սուննի մահմեդականներին, խորհրդարանի խոսնակը զբաղեցնում են շիա մահմեդականները, իսկ հանրապետության նախագահն ընտրվում է մարոնի համայնքից, որին պատկանում է տեղի քրիստոնյաների մեծ մասը։
Ընտրություններին ներկա են մոտ 200 օտարերկրյա դիտորդներ։
