20.04.2026 | 09:33
ԱԽ քարտուղար Արմեն Գրիգորյանը 2018-ի թավշյա հեղափոխության մասին գիրք է գրել
Ո՞ր դեպքում ընդդիմությունը խորհրդարան կվերադառնա․ Իշխան Սաղաթելյանը մանրամասնում է
Քաղաքականություն
14.05.2022 | 15:23
«Խորհրդարան վերադառնալու ենք բացառապես մեր օրակարգով»,- Ֆրանսիայի հրապարակում հրավիրած ասուլիսում հայտարարեց «Դիմադրություն» շարժման անդամ Իշխան Սաղաթելյանը։
«Մենք ժողովրդի կողմից ունենք մանդատ՝ նրանց պահանջը սպասարկելու․ հիմա այդ օրակարգը փողոցում է, և մենք փողոցում ենք, եթե լինի խորհրդարանում՝ կլինենք այնտեղ։ Մենք խորհրդարանում մի քանի ամիս օրենսդրական նախաձեռնություններով, արտահերթ նիստերով, ողջ գործիքակազմով սպասարկել ենք ժողովրդի պահանջն ու օրակարգը»,- հայտարարեց Սաղթելյանը։
Անդրադառնալով այն խոսակցություններին, թե իրենց պայքարն օր օրի մարում է, Սաղաթելյանն ասաց, որ նման բան չկա․ «Տասնյակ հազարավոր քաղաքացիներ իրենց առօրյան սկսում են՝ մաս կազմելով դիմադրությանը և միակ լուծումը շարժումը դադարեցնելու իշխանափոխությունն է։ Դժվար է ամեն օր non stop հանրահավաքներ, երթեր, անհնազանդության ակցիաներ իրականացնել, բայց ունենք քաղաքացիների բանակ, որոնք առավոտյան արթնանում են և համարում են, որ մինչև ուշ գիշեր իրենց պայքարի օրակարգը փողոցում է․ սա մեծ ձեռքբերում է»։
Արփի Հակոբյան
