18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ՇՄ փոխնախարար Արամ Մեյմարյանն այցելել է Հայաստանի բնության պետական թանգարան
14.05.2022 | 10:46
Շրջակա միջավայրի նախարարի տեղակալ Արամ Մեյմարյանն աշխատանքային այցով եղել է Շրջակա միջավայրի նախարարության ենթակայությամբ գործող «Հայաստանի բնության պետական թանգարան» ՊՈԱԿ-ում։
Նախարարի տեղակալը շրջել է թանգարանի ցուցասրահներում։ Թանգարանի չորս սրահներում ցուցադրվում են Հայաստանի Հանրապետության ֆլորայի և ֆաունայի հազվագյուտ նմուշներ։
Կարճ էքսկուրսի միջոցով նախարարի տեղակալին են ներկայացվել Հայաստանի տարածքի լանդշաֆտային բազմազանության, բուսական և կենդանական աշխարհի յուրահատուկ (էնդեմիկ) ներկայացուցիչների ցուցանմուշները։
Շրջայցից հետո նախարարի տեղակալը քննարկում է ունեցել թանգարանի տնօրենի հետ՝ լսելու առկա խնդիրները և քննարկելու թանգարանի հետագա զարգացման ծրագրերն ու հնարավոր ուղիները։
Նախարարի տեղակալը առանձնակի ուշադրություն է դարձրել թանգարանի շենքային պայմանների բարելավման, նյութատեխնիկական բազայի վերազինման և համալրման, ինչպես նաև ժամանակակից տեղեկատվական տեխնոլոգիաների ներդրման հարցին։
Քննարկվել են նաև մայիսի 18-ին՝ Թանգարանների միջազգային օրվան պատշաճ պատրաստվելու հարցեր։
