20.08.2026 | 17:19
Փաշինյանի նպատակն է` Տիգրանաշենը տանք, պրծնենք, «Ֆեստիվառ»-ներ անենք. Արթուր Խաչատրյան․ ՏԵՍԱՆՅՈՒԹ
Թուրքիան չի ողջունում ՆԱՏՕ-ին Ֆինլանդիայի ու Շվեդիայի անդամակցությունը
Քաղաքականություն
13.05.2022 | 20:21
Թուրքիան դրական չի մոտենում Ֆինլանդիայի ու Շվեդիայի՝ ՆԱՏՕ-ին հնարավոր անդամակցությանը։ Այս մասին հայտարարել է Թուրքիայի նախագահ Ռեջեփ Թայիփ Էրդողանը Ստամբուլում ուրբաթօրյա աղոթքից հետո, գրում է Անադոլու գործակալությւոնը։ Նա նշել է, որ Թուրքիան ուշադրությամբ հետևում է Շվեդիայի ու Ֆինլանդիայի շուրջ գործընթացներին։
Էրդողանը հիշեցրել է, որ ավելի վաղ «ՆԱՏՕ-ն սխալ որոշում էր կայացրել Հունաստանին Հյուսիսատլանտյան դաշինք ընդունելու վերաբերյալ»։
«Թուրքիայի նախկին իշխանությունների քայլրերը , ինչպես նաև Հունաստանի հակաթուրքական հռետորաբանությունը հայտնի են։ Մենք չենք ցանկանում նույն սխալը կրկնել երկրորդ անգամ»,-ասել է Էրդողանը։
Նրա խոսքով՝ PKK «ահաբեկիչները և նրանց հանցակիցները» այժմ ակտիվորեն գործում են սկանդինավյան երկրներում և Նիդեռլանդներում։ Ըստ նրա՝ եվրոպական խորհրդարաններում ահաբեկիչների հանցակիցներ կան։
Խոսելով Ուկրաինայի ու ՌԴ-ի միջև պատերազմի մասին՝ Էրդողանը անընդունելի է համարել այն փաստը, որ արյունահեղությունը շարունակվում է արդեն 2,5 ամիս։
«Ուկրաինայի ու Ռուսաստանի ղեկավարների հետ զրույցներում ես անձամբ ընդգծել եմ ռազմական գործողությունների դադարեցման անհրաժեշտությունը։ Այս ուղղությամբ ջանքերը շարունակվելու են։ Մեզ համար պատերազմներն ընդունելի չեն։ Լավ պատերազմներ չեն լինում։ Ռազմական գործողությունների կործանարար հետևանքներն ակնհայտ են»,-ասել է Թուրքիայի նախագահը։
Էմմա Չոբանյան
