09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Տարբեր մարզաձևերում ընդունելությունը և մարզումները կկազմակերպվեն ավելի վաղ տարիքից
13.05.2022 | 17:04
Կառավարությունն ընդունել է որոշում, որով նախատեսվում է ապահովել պատշաճ մասնակցություն տարբեր մարզաձևերի կրտսեր տարիքի պատանիների առաջնություններին: Ըստ հիմնավորման՝ որոշման մշակման հիմք է հանդիսացել մարզաձևերի ֆեդերացիաներից և ոլորտի մասնագետներից ստացված առաջարկությունները՝ երեխաների մարզադպրոց ընդունվելու նվազագույն տարիքի վերանայման վերաբերյալ:
Առաջարկները հիմնավորվում են տարբեր մարզաձևերում կրտսեր տարիքի պատանիների (սկսած 12 տարեկանից) առաջնությունների անցկացմամբ, որոնց պատշաճ մասնակցություն ապահովելու նպատակով անհրաժեշտ է ավելի վաղ տարիքից սկսել մարզումները: Ըստ այդմ՝ առաջարկվում է տարբեր մարզաձևերում ընդունելությունը և մարզումները կազմակերպել ավելի վաղ տարիքից. 2022 թ. սեպտեմբերի 1-ից՝ ՊՈԱԿ հանդիսացող մանկապատանեկան մարզադպրոցներում, 2024 թ. սեպտեմբերի 1-ից՝ բոլոր մանկապատանեկան մարզադպրոցներում, անկախ կազմակերպական-իրավական ձևից:
